{"chapters": {"1": {"cite": "Aleppo Codex [Hebrew] -- Malachi 1", "verses": [{"verse": 1, "text": "משא דבר יהוה אל ישראל ביד מלאכי"}, {"verse": 2, "text": "אהבתי אתכם אמר יהוה ואמרתם במה אהבתנו הלוא אח עשו ליעקב נאם יהוה ואהב את יעקב"}, {"verse": 3, "text": "ואת עשו שנאתי ואשים את הריו שממה ואת נחלתו לתנות מדבר"}, {"verse": 4, "text": "כי תאמר אדום רששנו ונשוב ונבנה חרבות—כה אמר יהוה צבאות המה יבנו ואני אהרוס וקראו להם גבול רשעה והעם אשר זעם יהוה עד עולם"}, {"verse": 5, "text": "ועיניכם תראינה ואתם תאמרו יגדל יהוה מעל לגבול ישראל"}, {"verse": 6, "text": "בן יכבד אב ועבד אדניו ואם אב אני איה כבודי ואם אדונים אני איה מוראי אמר יהוה צבאות לכם הכהנים בוזי שמי ואמרתם במה בזינו את שמך"}, {"verse": 7, "text": "מגישים על מזבחי לחם מגאל ואמרתם במה גאלנוך באמרכם שלחן יהוה נבזה הוא"}, {"verse": 8, "text": "וכי תגישון עור לזבח אין רע וכי תגישו פסח וחלה אין רע הקריבהו נא לפחתך הירצך או הישא פניך—אמר יהוה צבאות"}, {"verse": 9, "text": "ועתה חלו נא פני אל ויחננו מידכם היתה זאת—הישא מכם פנים אמר יהוה צבאות"}, {"verse": 10, "text": "מי גם בכם ויסגר דלתים ולא תאירו מזבחי חנם אין לי חפץ בכם אמר יהוה צבאות ומנחה לא ארצה מידכם"}, {"verse": 11, "text": "כי ממזרח שמש ועד מבואו גדול שמי בגוים ובכל מקום מקטר מגש לשמי ומנחה טהורה כי גדול שמי בגוים אמר יהוה צבאות"}, {"verse": 12, "text": "ואתם מחללים אותו—באמרכם שלחן אדני מגאל הוא וניבו נבזה אכלו"}, {"verse": 13, "text": "ואמרתם הנה מתלאה והפחתם אותו אמר יהוה צבאות והבאתם גזול ואת הפסח ואת החולה והבאתם את המנחה הארצה אותה מידכם אמר יהוה {ס}"}, {"verse": 14, "text": "וארור נוכל ויש בעדרו זכר ונדר וזבח משחת לאדני כי מלך גדול אני אמר יהוה צבאות ושמי נורא בגוים"}]}, "2": {"cite": "Aleppo Codex [Hebrew] -- Malachi 2", "verses": [{"verse": 1, "text": "ועתה אליכם המצוה הזאת—הכהנים"}, {"verse": 2, "text": "אם לא תשמעו ואם לא תשימו על לב לתת כבוד לשמי אמר יהוה צבאות ושלחתי בכם את המארה וארותי את ברכותיכם וגם ארותיה כי אינכם שמים על לב"}, {"verse": 3, "text": "הנני גער לכם את הזרע וזריתי פרש על פניכם פרש חגיכם ונשא אתכם אליו"}, {"verse": 4, "text": "וידעתם—כי שלחתי אליכם את המצוה הזאת להיות בריתי את לוי אמר יהוה צבאות"}, {"verse": 5, "text": "בריתי היתה אתו החיים והשלום ואתנם לו מורא וייראני ומפני שמי נחת הוא"}, {"verse": 6, "text": "תורת אמת היתה בפיהו ועולה לא נמצא בשפתיו בשלום ובמישור הלך אתי ורבים השיב מעון"}, {"verse": 7, "text": "כי שפתי כהן ישמרו דעת ותורה יבקשו מפיהו כי מלאך יהוה צבאות הוא"}, {"verse": 8, "text": "ואתם סרתם מן הדרך הכשלתם רבים בתורה שחתם ברית הלוי אמר יהוה צבאות"}, {"verse": 9, "text": "וגם אני נתתי אתכם נבזים ושפלים—לכל העם כפי אשר אינכם שמרים את דרכי ונשאים פנים בתורה {פ}"}, {"verse": 10, "text": "הלוא אב אחד לכלנו הלוא אל אחד בראנו מדוע נבגד איש באחיו—לחלל ברית אבתינו"}, {"verse": 11, "text": "בגדה יהודה ותועבה נעשתה בישראל ובירושלם כי חלל יהודה קדש יהוה אשר אהב ובעל בת אל נכר"}, {"verse": 12, "text": "יכרת יהוה לאיש אשר יעשנה ער וענה מאהלי יעקב ומגיש מנחה ליהוה צבאות {פ}"}, {"verse": 13, "text": "וזאת שנית תעשו—כסות דמעה את מזבח יהוה בכי ואנקה מאין עוד פנות אל המנחה ולקחת רצון מידכם"}, {"verse": 14, "text": "ואמרתם על מה על כי יהוה העיד בינך ובין אשת נעוריך אשר אתה בגדתה בה והיא חברתך ואשת בריתך"}, {"verse": 15, "text": "ולא אחד עשה ושאר רוח לו ומה האחד מבקש זרע אלהים ונשמרתם ברוחכם ובאשת נעוריך אל יבגד"}, {"verse": 16, "text": "כי שנא שלח אמר יהוה אלהי ישראל וכסה חמס על לבושו אמר יהוה צבאות ונשמרתם ברוחכם ולא תבגדו {פ}"}, {"verse": 17, "text": "הוגעתם יהוה בדבריכם ואמרתם במה הוגענו באמרכם כל עשה רע טוב בעיני יהוה ובהם הוא חפץ או איה אלהי המשפט"}]}, "3": {"cite": "Aleppo Codex [Hebrew] -- Malachi 3", "verses": [{"verse": 1, "text": "הנני שלח מלאכי ופנה דרך לפני ופתאם יבוא אל היכלו האדון אשר אתם מבקשים ומלאך הברית אשר אתם חפצים הנה בא—אמר יהוה צבאות"}, {"verse": 2, "text": "ומי מכלכל את יום בואו ומי העמד בהראותו כי הוא כאש מצרף וכברית מכבסים"}, {"verse": 3, "text": "וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה"}, {"verse": 4, "text": "וערבה ליהוה מנחת יהודה וירושלם—כימי עולם וכשנים קדמנית"}, {"verse": 5, "text": "וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני—אמר יהוה צבאות"}, {"verse": 6, "text": "כי אני יהוה לא שניתי ואתם בני יעקב לא כליתם"}, {"verse": 7, "text": "למימי אבתיכם סרתם מחקי ולא שמרתם—שובו אלי ואשובה אליכם אמר יהוה צבאות ואמרתם במה נשוב"}, {"verse": 8, "text": "היקבע אדם אלהים כי אתם קבעים אתי ואמרתם במה קבענוך המעשר והתרומה"}, {"verse": 9, "text": "במארה אתם נארים ואתי אתם קבעים—הגוי כלו"}, {"verse": 10, "text": "הביאו את כל המעשר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השמים והריקתי לכם ברכה עד בלי די"}, {"verse": 11, "text": "וגערתי לכם באכל ולא ישחת לכם את פרי האדמה ולא תשכל לכם הגפן בשדה אמר יהוה צבאות"}, {"verse": 12, "text": "ואשרו אתכם כל הגוים כי תהיו אתם ארץ חפץ אמר יהוה צבאות {פ}"}, {"verse": 13, "text": "חזקו עלי דבריכם אמר יהוה ואמרתם מה נדברנו עליך"}, {"verse": 14, "text": "אמרתם שוא עבד אלהים ומה בצע כי שמרנו משמרתו וכי הלכנו קדרנית מפני יהוה צבאות"}, {"verse": 15, "text": "ועתה אנחנו מאשרים זדים גם נבנו עשי רשעה גם בחנו אלהים וימלטו"}, {"verse": 16, "text": "אז נדברו יראי יהוה איש אל רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו"}, {"verse": 17, "text": "והיו לי אמר יהוה צבאות ליום אשר אני עשה סגלה וחמלתי עליהם—כאשר יחמל איש על בנו העבד אתו"}, {"verse": 18, "text": "ושבתם וראיתם בין צדיק לרשע—בין עבד אלהים לאשר לא עבדו {פ}"}, {"verse": 19, "text": "כי הנה היום בא בער כתנור והיו כל זדים וכל עשה רשעה קש ולהט אתם היום הבא אמר יהוה צבאות אשר לא יעזב להם שרש וענף"}, {"verse": 20, "text": "וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק"}, {"verse": 21, "text": "ועסותם רשעים—כי יהיו אפר תחת כפות רגליכם ביום אשר אני עשה אמר יהוה צבאות {פ}"}, {"verse": 22, "text": "זכרו תורת משה עבדי אשר צויתי אותו בחרב על כל ישראל חקים ומשפטים"}, {"verse": 23, "text": "הנה אנכי שלח לכם את אליה הנביא—לפני בוא יום יהוה הגדול והנורא"}, {"verse": 24, "text": "והשיב לב אבות על בנים ולב בנים על אבותם—פן אבוא והכיתי את הארץ חרם {ש}"}]}, "4": {"cite": "King James Version · Malachi 4", "verses": [{"verse": 1, "text": "For, behold, the day cometh, that shall burn as an oven; and all the proud, yea, and all that do wickedly, shall be stubble: and the day that cometh shall burn them up, saith the LORD of hosts, that it shall leave them neither root nor branch."}, {"verse": 2, "text": "But unto you that fear my name shall the Sun of righteousness arise with healing in his wings; and ye shall go forth, and grow up as calves of the stall."}, {"verse": 3, "text": "And ye shall tread down the wicked; for they shall be ashes under the soles of your feet in the day that I shall do this, saith the LORD of hosts."}, {"verse": 4, "text": "Remember ye the law of Moses my servant, which I commanded unto him in Horeb for all Israel, with the statutes and judgments."}, {"verse": 5, "text": "Behold, I will send you Elijah the prophet before the coming of the great and dreadful day of the LORD:"}, {"verse": 6, "text": "And he shall turn the heart of the fathers to the children, and the heart of the children to their fathers, lest I come and smite the earth with a curse."}]}}}