scripture/ch/v21/hosea.json

{"chapters": {"1": {"cite": "Aleppo Codex [Hebrew] -- Hosea 1", "verses": [{"verse": 1, "text": "דבר יהוה אשר היה אל הושע בן בארי בימי עזיה יותם אחז יחזקיה מלכי יהודה—ובימי ירבעם בן יואש מלך ישראל"}, {"verse": 2, "text": "תחלת דבר יהוה בהושע {פ} ויאמר יהוה אל הושע לך קח לך אשת זנונים וילדי זנונים—כי זנה תזנה הארץ מאחרי יהוה"}, {"verse": 3, "text": "וילך ויקח את גמר בת דבלים ותהר ותלד לו בן"}, {"verse": 4, "text": "ויאמר יהוה אליו קרא שמו יזרעאל כי עוד מעט ופקדתי את דמי יזרעאל על בית יהוא והשבתי ממלכות בית ישראל"}, {"verse": 5, "text": "והיה ביום ההוא ושברתי את קשת ישראל בעמק יזרעאל"}, {"verse": 6, "text": "ותהר עוד ותלד בת ויאמר לו קרא שמה לא רחמה כי לא אוסיף עוד ארחם את בית ישראל—כי נשא אשא להם"}, {"verse": 7, "text": "ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים"}, {"verse": 8, "text": "ותגמל את לא רחמה ותהר ותלד בן"}, {"verse": 9, "text": "ויאמר קרא שמו לא עמי כי אתם לא עמי ואנכי לא אהיה לכם {פ}"}]}, "10": {"cite": "Aleppo Codex [Hebrew] -- Hosea 10", "verses": [{"verse": 1, "text": "גפן בוקק ישראל פרי ישוה לו כרב לפריו הרבה למזבחות—כטוב לארצו היטיבו מצבות"}, {"verse": 2, "text": "חלק לבם עתה יאשמו הוא יערף מזבחותם ישדד מצבותם"}, {"verse": 3, "text": "כי עתה יאמרו אין מלך לנו כי לא יראנו את יהוה והמלך מה יעשה לנו"}, {"verse": 4, "text": "דברו דברים אלות שוא כרת ברית ופרח כראש משפט על תלמי שדי"}, {"verse": 5, "text": "לעגלות בית און יגורו שכן שמרון כי אבל עליו עמו וכמריו עליו יגילו—על כבודו כי גלה ממנו"}, {"verse": 6, "text": "גם אותו לאשור יובל מנחה למלך ירב בשנה אפרים יקח ויבוש ישראל מעצתו"}, {"verse": 7, "text": "נדמה שמרון מלכה כקצף על פני מים"}, {"verse": 8, "text": "ונשמדו במות און חטאת ישראל—קוץ ודרדר יעלה על מזבחותם ואמרו להרים כסונו ולגבעות נפלו עלינו {פ}"}, {"verse": 9, "text": "מימי הגבעה חטאת ישראל שם עמדו לא תשיגם בגבעה מלחמה על בני עלוה"}, {"verse": 10, "text": "באותי ואסרם ואספו עליהם עמים באסרם לשתי עינתם (עונותם)"}, {"verse": 11, "text": "ואפרים עגלה מלמדה אהבתי לדוש ואני עברתי על טוב צוארה ארכיב אפרים יחרוש יהודה ישדד לו יעקב"}, {"verse": 12, "text": "זרעו לכם לצדקה קצרו לפי חסד נירו לכם ניר ועת לדרוש את יהוה עד יבוא וירה צדק לכם"}, {"verse": 13, "text": "חרשתם רשע עולתה קצרתם אכלתם פרי כחש—כי בטחת בדרכך ברב גבוריך"}, {"verse": 14, "text": "וקאם שאון בעמך וכל מבצריך יושד כשד שלמן בית ארבאל ביום מלחמה אם על בנים רטשה"}, {"verse": 15, "text": "ככה עשה לכם בית אל מפני רעת רעתכם בשחר נדמה נדמה מלך ישראל"}]}, "11": {"cite": "Aleppo Codex [Hebrew] -- Hosea 11", "verses": [{"verse": 1, "text": "כי נער ישראל ואהבהו וממצרים קראתי לבני"}, {"verse": 2, "text": "קראו להם כן הלכו מפניהם—לבעלים יזבחו ולפסלים יקטרון"}, {"verse": 3, "text": "ואנכי תרגלתי לאפרים קחם על זרועתיו ולא ידעו כי רפאתים"}, {"verse": 4, "text": "בחבלי אדם אמשכם בעבתות אהבה ואהיה להם כמרימי על על לחיהם ואט אליו אוכיל"}, {"verse": 5, "text": "לא ישוב אל ארץ מצרים ואשור הוא מלכו כי מאנו לשוב"}, {"verse": 6, "text": "וחלה חרב בעריו וכלתה בדיו ואכלה—ממעצותיהם"}, {"verse": 7, "text": "ועמי תלואים למשובתי ואל על יקראהו—יחד לא ירומם"}, {"verse": 8, "text": "איך אתנך אפרים אמגנך ישראל—איך אתנך כאדמה אשימך כצבאים נהפך עלי לבי יחד נכמרו נחומי"}, {"verse": 9, "text": "לא אעשה חרון אפי לא אשוב לשחת אפרים כי אל אנכי ולא איש—בקרבך קדוש ולא אבוא בעיר"}, {"verse": 10, "text": "אחרי יהוה ילכו כאריה ישאג כי הוא ישאג ויחרדו בנים מים"}, {"verse": 11, "text": "יחרדו כצפור ממצרים וכיונה מארץ אשור והושבתים על בתיהם נאם יהוה {ס}"}]}, "12": {"cite": "Aleppo Codex [Hebrew] -- Hosea 12", "verses": [{"verse": 1, "text": "סבבני בכחש אפרים ובמרמה בית ישראל ויהודה עד רד עם אל ועם קדושים נאמן"}, {"verse": 2, "text": "אפרים רעה רוח ורדף קדים—כל היום כזב ושד ירבה וברית עם אשור יכרתו ושמן למצרים יובל"}, {"verse": 3, "text": "וריב ליהוה עם יהודה ולפקד על יעקב כדרכיו כמעלליו ישיב לו"}, {"verse": 4, "text": "בבטן עקב את אחיו ובאונו שרה את אלהים"}, {"verse": 5, "text": "וישר אל מלאך ויכל בכה ויתחנן לו בית אל ימצאנו ושם ידבר עמנו"}, {"verse": 6, "text": "ויהוה אלהי הצבאות—יהוה זכרו"}, {"verse": 7, "text": "ואתה באלהיך תשוב חסד ומשפט שמר וקוה אל אלהיך תמיד"}, {"verse": 8, "text": "כנען בידו מאזני מרמה—לעשק אהב"}, {"verse": 9, "text": "ויאמר אפרים—אך עשרתי מצאתי און לי כל יגיעי לא ימצאו לי עון אשר חטא"}, {"verse": 10, "text": "ואנכי יהוה אלהיך מארץ מצרים עד אושיבך באהלים כימי מועד"}, {"verse": 11, "text": "ודברתי על הנביאים ואנכי חזון הרביתי וביד הנביאים אדמה"}, {"verse": 12, "text": "אם גלעד און אך שוא היו בגלגל שורים זבחו גם מזבחותם כגלים על תלמי שדי"}, {"verse": 13, "text": "ויברח יעקב שדה ארם ויעבד ישראל באשה ובאשה שמר"}, {"verse": 14, "text": "ובנביא העלה יהוה את ישראל ממצרים ובנביא נשמר"}, {"verse": 15, "text": "הכעיס אפרים תמרורים ודמיו עליו יטוש וחרפתו ישיב לו אדניו"}]}, "13": {"cite": "Aleppo Codex [Hebrew] -- Hosea 13", "verses": [{"verse": 1, "text": "כדבר אפרים רתת נשא הוא בישראל ויאשם בבעל וימת"}, {"verse": 2, "text": "ועתה יוספו לחטא ויעשו להם מסכה מכספם כתבונם עצבים מעשה חרשים כלה להם הם אמרים זבחי אדם עגלים ישקון"}, {"verse": 3, "text": "לכן יהיו כענן בקר וכטל משכים הלך כמץ יסער מגרן וכעשן מארבה"}, {"verse": 4, "text": "ואנכי יהוה אלהיך מארץ מצרים ואלהים זולתי לא תדע ומושיע אין בלתי"}, {"verse": 5, "text": "אני ידעתיך במדבר—בארץ תלאבות"}, {"verse": 6, "text": "כמרעיתם וישבעו—שבעו וירם לבם על כן שכחוני"}, {"verse": 7, "text": "ואהי להם כמו שחל—כנמר על דרך אשור"}, {"verse": 8, "text": "אפגשם כדב שכול ואקרע סגור לבם ואכלם שם כלביא חית השדה תבקעם"}, {"verse": 9, "text": "שחתך ישראל כי בי בעזרך"}, {"verse": 10, "text": "אהי מלכך אפוא ויושיעך בכל עריך ושפטיך—אשר אמרת תנה לי מלך ושרים"}, {"verse": 11, "text": "אתן לך מלך באפי ואקח בעברתי {פ}"}, {"verse": 12, "text": "צרור עון אפרים צפונה חטאתו"}, {"verse": 13, "text": "חבלי יולדה יבאו לו הוא בן לא חכם כי עת לא יעמד במשבר בנים"}, {"verse": 14, "text": "מיד שאול אפדם ממות אגאלם אהי דבריך מות אהי קטבך שאול—נחם יסתר מעיני"}, {"verse": 15, "text": "כי הוא בין אחים יפריא יבוא קדים רוח יהוה ממדבר עלה ויבוש מקורו ויחרב מעינו—הוא ישסה אוצר כל כלי חמדה"}]}, "14": {"cite": "Aleppo Codex [Hebrew] -- Hosea 14", "verses": [{"verse": 1, "text": "תאשם שמרון כי מרתה באלהיה בחרב יפלו—עלליהם ירטשו והריותיו יבקעו {פ}"}, {"verse": 2, "text": "שובה ישראל עד יהוה אלהיך כי כשלת בעונך"}, {"verse": 3, "text": "קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו"}, {"verse": 4, "text": "אשור לא יושיענו על סוס לא נרכב ולא נאמר עוד אלהינו למעשה ידינו—אשר בך ירחם יתום"}, {"verse": 5, "text": "ארפא משובתם—אהבם נדבה כי שב אפי ממנו"}, {"verse": 6, "text": "אהיה כטל לישראל יפרח כשושנה ויך שרשיו כלבנון"}, {"verse": 7, "text": "ילכו ינקותיו ויהי כזית הודו וריח לו כלבנון"}, {"verse": 8, "text": "ישבו ישבי בצלו יחיו דגן ויפרחו כגפן זכרו כיין לבנון"}, {"verse": 9, "text": "אפרים מה לי עוד לעצבים אני עניתי ואשורנו אני כברוש רענן—ממני פריך נמצא"}, {"verse": 10, "text": "מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם {ש}"}]}, "2": {"cite": "Aleppo Codex [Hebrew] -- Hosea 2", "verses": [{"verse": 1, "text": "והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי"}, {"verse": 2, "text": "ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל"}, {"verse": 3, "text": "אמרו לאחיכם עמי ולאחותיכם רחמה"}, {"verse": 4, "text": "ריבו באמכם ריבו—כי היא לא אשתי ואנכי לא אישה ותסר זנוניה מפניה ונאפופיה מבין שדיה"}, {"verse": 5, "text": "פן אפשיטנה ערמה—והצגתיה כיום הולדה ושמתיה כמדבר ושתה כארץ ציה והמתיה בצמא"}, {"verse": 6, "text": "ואת בניה לא ארחם כי בני זנונים המה"}, {"verse": 7, "text": "כי זנתה אמם הבישה הורתם כי אמרה אלכה אחרי מאהבי נתני לחמי ומימי צמרי ופשתי שמני ושקויי"}, {"verse": 8, "text": "לכן הנני שך את דרכך בסירים וגדרתי את גדרה ונתיבותיה לא תמצא"}, {"verse": 9, "text": "ורדפה את מאהביה ולא תשיג אתם ובקשתם ולא תמצא ואמרה אלכה ואשובה אל אישי הראשון—כי טוב לי אז מעתה"}, {"verse": 10, "text": "והיא לא ידעה כי אנכי נתתי לה הדגן והתירוש והיצהר וכסף הרביתי לה וזהב עשו לבעל"}, {"verse": 11, "text": "לכן אשוב—ולקחתי דגני בעתו ותירושי במועדו והצלתי צמרי ופשתי לכסות את ערותה"}, {"verse": 12, "text": "ועתה אגלה את נבלתה לעיני מאהביה ואיש לא יצילנה מידי"}, {"verse": 13, "text": "והשבתי כל משושה חגה חדשה ושבתה—וכל מועדה"}, {"verse": 14, "text": "והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה"}, {"verse": 15, "text": "ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה {ס}"}, {"verse": 16, "text": "לכן הנה אנכי מפתיה והלכתיה המדבר ודברתי על לבה"}, {"verse": 17, "text": "ונתתי לה את כרמיה משם ואת עמק עכור לפתח תקוה וענתה שמה כימי נעוריה וכיום עלותה מארץ מצרים"}, {"verse": 18, "text": "והיה ביום ההוא נאם יהוה תקראי אישי ולא תקראי לי עוד בעלי"}, {"verse": 19, "text": "והסרתי את שמות הבעלים מפיה ולא יזכרו עוד בשמם"}, {"verse": 20, "text": "וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח"}, {"verse": 21, "text": "וארשתיך לי לעולם וארשתיך לי בצדק ובמשפט ובחסד וברחמים"}, {"verse": 22, "text": "וארשתיך לי באמונה וידעת את יהוה {פ}"}, {"verse": 23, "text": "והיה ביום ההוא אענה נאם יהוה—אענה את השמים והם יענו את הארץ"}, {"verse": 24, "text": "והארץ תענה את הדגן ואת התירוש ואת היצהר והם יענו את יזרעאל"}, {"verse": 25, "text": "וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי {פ}"}]}, "3": {"cite": "Aleppo Codex [Hebrew] -- Hosea 3", "verses": [{"verse": 1, "text": "ויאמר יהוה אלי עוד לך אהב אשה אהבת רע ומנאפת כאהבת יהוה את בני ישראל והם פנים אל אלהים אחרים ואהבי אשישי ענבים"}, {"verse": 2, "text": "ואכרה לי בחמשה עשר כסף וחמר שערים ולתך שערים"}, {"verse": 3, "text": "ואמר אליה ימים רבים תשבי לי—לא תזני ולא תהיי לאיש וגם אני אליך"}, {"verse": 4, "text": "כי ימים רבים ישבו בני ישראל—אין מלך ואין שר ואין זבח ואין מצבה ואין אפוד ותרפים"}, {"verse": 5, "text": "אחר ישבו בני ישראל ובקשו את יהוה אלהיהם ואת דויד מלכם ופחדו אל יהוה ואל טובו באחרית הימים {פ}"}]}, "4": {"cite": "Aleppo Codex [Hebrew] -- Hosea 4", "verses": [{"verse": 1, "text": "שמעו דבר יהוה בני ישראל כי ריב ליהוה עם יושבי הארץ—כי אין אמת ואין חסד ואין דעת אלהים בארץ"}, {"verse": 2, "text": "אלה וכחש ורצח וגנב ונאף פרצו ודמים בדמים נגעו"}, {"verse": 3, "text": "על כן תאבל הארץ ואמלל כל יושב בה בחית השדה ובעוף השמים וגם דגי הים יאספו"}, {"verse": 4, "text": "אך איש אל ירב ואל יוכח איש ועמך כמריבי כהן"}, {"verse": 5, "text": "וכשלת היום וכשל גם נביא עמך לילה ודמיתי אמך"}, {"verse": 6, "text": "נדמו עמי מבלי הדעת כי אתה הדעת מאסת ואמאסאך (ואמאסך) מכהן לי ותשכח תורת אלהיך אשכח בניך גם אני"}, {"verse": 7, "text": "כרבם כן חטאו לי כבודם בקלון אמיר"}, {"verse": 8, "text": "חטאת עמי יאכלו ואל עונם ישאו נפשו"}, {"verse": 9, "text": "והיה כעם ככהן ופקדתי עליו דרכיו ומעלליו אשיב לו"}, {"verse": 10, "text": "ואכלו ולא ישבעו הזנו ולא יפרצו כי את יהוה עזבו לשמר"}, {"verse": 11, "text": "זנות ויין ותירוש יקח לב"}, {"verse": 12, "text": "עמי בעצו ישאל ומקלו יגיד לו כי רוח זנונים התעה ויזנו מתחת אלהיהם"}, {"verse": 13, "text": "על ראשי ההרים יזבחו ועל הגבעות יקטרו תחת אלון ולבנה ואלה כי טוב צלה על כן תזנינה בנותיכם וכלותיכם תנאפנה"}, {"verse": 14, "text": "לא אפקוד על בנותיכם כי תזנינה ועל כלותיכם כי תנאפנה—כי הם עם הזנות יפרדו ועם הקדשות יזבחו ועם לא יבין ילבט"}, {"verse": 15, "text": "אם זנה אתה ישראל אל יאשם יהודה ואל תבאו הגלגל ואל תעלו בית און ואל תשבעו חי יהוה"}, {"verse": 16, "text": "כי כפרה סררה סרר ישראל עתה ירעם יהוה ככבש במרחב"}, {"verse": 17, "text": "חבור עצבים אפרים הנח לו"}, {"verse": 18, "text": "סר סבאם הזנה הזנו אהבו הבו קלון מגניה"}, {"verse": 19, "text": "צרר רוח אותה בכנפיה ויבשו מזבחותם {פ}"}]}, "5": {"cite": "Aleppo Codex [Hebrew] -- Hosea 5", "verses": [{"verse": 1, "text": "שמעו זאת הכהנים והקשיבו בית ישראל ובית המלך האזינו—כי לכם המשפט כי פח הייתם למצפה ורשת פרושה על תבור"}, {"verse": 2, "text": "ושחטה שטים העמיקו ואני מוסר לכלם"}, {"verse": 3, "text": "אני ידעתי אפרים וישראל לא נכחד ממני כי עתה הזנית אפרים נטמא ישראל"}, {"verse": 4, "text": "לא יתנו מעלליהם לשוב אל אלהיהם כי רוח זנונים בקרבם ואת יהוה לא ידעו"}, {"verse": 5, "text": "וענה גאון ישראל בפניו וישראל ואפרים יכשלו בעונם—כשל גם יהודה עמם"}, {"verse": 6, "text": "בצאנם ובבקרם ילכו לבקש את יהוה—ולא ימצאו חלץ מהם"}, {"verse": 7, "text": "ביהוה בגדו כי בנים זרים ילדו עתה יאכלם חדש את חלקיהם {ס}"}, {"verse": 8, "text": "תקעו שופר בגבעה חצצרה ברמה הריעו בית און אחריך בנימין"}, {"verse": 9, "text": "אפרים לשמה תהיה ביום תוכחה בשבטי ישראל הודעתי נאמנה"}, {"verse": 10, "text": "היו שרי יהודה כמסיגי גבול עליהם אשפוך כמים עברתי"}, {"verse": 11, "text": "עשוק אפרים רצוץ משפט כי הואיל הלך אחרי צו"}, {"verse": 12, "text": "ואני כעש לאפרים וכרקב לבית יהודה"}, {"verse": 13, "text": "וירא אפרים את חליו ויהודה את מזרו וילך אפרים אל אשור וישלח אל מלך ירב והוא לא יוכל לרפא לכם ולא יגהה מכם מזור"}, {"verse": 14, "text": "כי אנכי כשחל לאפרים וככפיר לבית יהודה אני אני אטרף ואלך אשא ואין מציל"}, {"verse": 15, "text": "אלך אשובה אל מקומי עד אשר יאשמו ובקשו פני בצר להם ישחרנני"}]}, "6": {"cite": "Aleppo Codex [Hebrew] -- Hosea 6", "verses": [{"verse": 1, "text": "לכו ונשובה אל יהוה כי הוא טרף וירפאנו יך ויחבשנו"}, {"verse": 2, "text": "יחינו מימים ביום השלישי יקמנו ונחיה לפניו"}, {"verse": 3, "text": "ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ"}, {"verse": 4, "text": "מה אעשה לך אפרים מה אעשה לך יהודה וחסדכם כענן בקר וכטל משכים הלך"}, {"verse": 5, "text": "על כן חצבתי בנביאים—הרגתים באמרי פי ומשפטיך אור יצא"}, {"verse": 6, "text": "כי חסד חפצתי ולא זבח ודעת אלהים מעלות"}, {"verse": 7, "text": "והמה כאדם עברו ברית שם בגדו בי"}, {"verse": 8, "text": "גלעד קרית פעלי און—עקבה מדם"}, {"verse": 9, "text": "וכחכי איש גדודים חבר כהנים דרך ירצחו שכמה כי זמה עשו"}, {"verse": 10, "text": "בבית ישראל ראיתי שעריריה (שערוריה) שם זנות לאפרים נטמא ישראל"}, {"verse": 11, "text": "גם יהודה שת קציר לך בשובי שבות עמי {פ}"}]}, "7": {"cite": "Aleppo Codex [Hebrew] -- Hosea 7", "verses": [{"verse": 1, "text": "כרפאי לישראל ונגלה עון אפרים ורעות שמרון—כי פעלו שקר וגנב יבוא פשט גדוד בחוץ"}, {"verse": 2, "text": "ובל יאמרו ללבבם כל רעתם זכרתי עתה סבבום מעלליהם נגד פני היו"}, {"verse": 3, "text": "ברעתם ישמחו מלך ובכחשיהם שרים"}, {"verse": 4, "text": "כלם מנאפים—כמו תנור בערה מאפה ישבות מעיר מלוש בצק עד חמצתו"}, {"verse": 5, "text": "יום מלכנו החלו שרים חמת מיין משך ידו את לצצים"}, {"verse": 6, "text": "כי קרבו כתנור לבם בארבם כל הלילה ישן אפהם—בקר הוא בער כאש להבה"}, {"verse": 7, "text": "כלם יחמו כתנור ואכלו את שפטיהם כל מלכיהם נפלו אין קרא בהם אלי"}, {"verse": 8, "text": "אפרים בעמים הוא יתבולל אפרים היה עגה בלי הפוכה"}, {"verse": 9, "text": "אכלו זרים כחו והוא לא ידע גם שיבה זרקה בו והוא לא ידע"}, {"verse": 10, "text": "וענה גאון ישראל בפניו ולא שבו אל יהוה אלהיהם ולא בקשהו בכל זאת"}, {"verse": 11, "text": "ויהי אפרים כיונה פותה אין לב מצרים קראו אשור הלכו"}, {"verse": 12, "text": "כאשר ילכו אפרוש עליהם רשתי—כעוף השמים אורידם איסירם כשמע לעדתם {ס}"}, {"verse": 13, "text": "אוי להם כי נדדו ממני שד להם כי פשעו בי ואנכי אפדם—והמה דברו עלי כזבים"}, {"verse": 14, "text": "ולא זעקו אלי בלבם כי יילילו על משכבותם על דגן ותירוש יתגוררו יסורו בי"}, {"verse": 15, "text": "ואני יסרתי חזקתי זרועתם ואלי יחשבו רע"}, {"verse": 16, "text": "ישובו לא על היו כקשת רמיה—יפלו בחרב שריהם מזעם לשונם זו לעגם בארץ מצרים"}]}, "8": {"cite": "Aleppo Codex [Hebrew] -- Hosea 8", "verses": [{"verse": 1, "text": "אל חכך שפר כנשר על בית יהוה—יען עברו בריתי ועל תורתי פשעו"}, {"verse": 2, "text": "לי יזעקו אלהי ידענוך ישראל"}, {"verse": 3, "text": "זנח ישראל טוב אויב ירדפו"}, {"verse": 4, "text": "הם המליכו ולא ממני השירו ולא ידעתי כספם וזהבם עשו להם עצבים למען יכרת"}, {"verse": 5, "text": "זנח עגלך שמרון חרה אפי בם עד מתי לא יוכלו נקין"}, {"verse": 6, "text": "כי מישראל והוא—חרש עשהו ולא אלהים הוא כי שבבים יהיה עגל שמרון"}, {"verse": 7, "text": "כי רוח יזרעו וסופתה יקצרו קמה אין לו צמח בלי יעשה קמח—אולי יעשה זרים יבלעהו"}, {"verse": 8, "text": "נבלע ישראל עתה היו בגוים ככלי אין חפץ בו"}, {"verse": 9, "text": "כי המה עלו אשור פרא בודד לו אפרים התנו אהבים"}, {"verse": 10, "text": "גם כי יתנו בגוים עתה אקבצם ויחלו מעט ממשא מלך שרים"}, {"verse": 11, "text": "כי הרבה אפרים מזבחות לחטא היו לו מזבחות לחטא"}, {"verse": 12, "text": "אכתוב (אכתב) לו—רבו (רבי) תורתי כמו זר נחשבו"}, {"verse": 13, "text": "זבחי הבהבי יזבחו בשר ויאכלו—יהוה לא רצם עתה יזכר עונם ויפקד חטאותם—המה מצרים ישובו"}, {"verse": 14, "text": "וישכח ישראל את עשהו ויבן היכלות ויהודה הרבה ערים בצרות ושלחתי אש בעריו ואכלה ארמנתיה {פ}"}]}, "9": {"cite": "Aleppo Codex [Hebrew] -- Hosea 9", "verses": [{"verse": 1, "text": "אל תשמח ישראל אל גיל כעמים כי זנית מעל אלהיך אהבת אתנן על כל גרנות דגן"}, {"verse": 2, "text": "גרן ויקב לא ירעם ותירוש יכחש בה"}, {"verse": 3, "text": "לא ישבו בארץ יהוה ושב אפרים מצרים ובאשור טמא יאכלו"}, {"verse": 4, "text": "לא יסכו ליהוה יין ולא יערבו לו—זבחיהם כלחם אונים להם כל אכליו יטמאו כי לחמם לנפשם לא יבוא בית יהוה"}, {"verse": 5, "text": "מה תעשו ליום מועד וליום חג יהוה"}, {"verse": 6, "text": "כי הנה הלכו משד מצרים תקבצם מף תקברם מחמד לכספם קמוש יירשם חוח באהליהם"}, {"verse": 7, "text": "באו ימי הפקדה באו ימי השלם—ידעו ישראל אויל הנביא משגע איש הרוח—על רב עונך ורבה משטמה"}, {"verse": 8, "text": "צפה אפרים עם אלהי נביא פח יקוש על כל דרכיו—משטמה בבית אלהיו"}, {"verse": 9, "text": "העמיקו שחתו כימי הגבעה יזכור עונם יפקוד חטאותם {ס}"}, {"verse": 10, "text": "כענבים במדבר מצאתי ישראל—כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבם"}, {"verse": 11, "text": "אפרים כעוף יתעופף כבודם מלדה ומבטן ומהריון"}, {"verse": 12, "text": "כי אם יגדלו את בניהם ושכלתים מאדם כי גם אוי להם בשורי מהם"}, {"verse": 13, "text": "אפרים כאשר ראיתי לצור שתולה בנוה ואפרים להוציא אל הרג בניו"}, {"verse": 14, "text": "תן להם יהוה מה תתן תן להם רחם משכיל ושדים צמקים"}, {"verse": 15, "text": "כל רעתם בגלגל כי שם שנאתים על רע מעלליהם מביתי אגרשם לא אוסף אהבתם כל שריהם סררים"}, {"verse": 16, "text": "הכה אפרים—שרשם יבש פרי בלי (בל) יעשון גם כי ילדון והמתי מחמדי בטנם"}, {"verse": 17, "text": "ימאסם אלהי כי לא שמעו לו ויהיו נדדים בגוים {ס}"}]}}}