Load per-book Scripture bundles for the iPhone on-demand store (part 7)
92e19a0 verified about 2 months ago
6.48 kB
{"chapters": {"1": {"cite": "Aleppo Codex [Hebrew] -- Haggai 1", "verses": [{"verse": 1, "text": "בשנת שתים לדריוש המלך בחדש הששי ביום אחד לחדש—היה דבר יהוה ביד חגי הנביא אל זרבבל בן שאלתיאל פחת יהודה ואל יהושע בן יהוצדק הכהן הגדול לאמר"}, {"verse": 2, "text": "כה אמר יהוה צבאות לאמר העם הזה אמרו לא עת בא עת בית יהוה להבנות {פ}"}, {"verse": 3, "text": "ויהי דבר יהוה ביד חגי הנביא לאמר"}, {"verse": 4, "text": "העת לכם אתם לשבת בבתיכם ספונים—והבית הזה חרב"}, {"verse": 5, "text": "ועתה כה אמר יהוה צבאות שימו לבבכם על דרכיכם"}, {"verse": 6, "text": "זרעתם הרבה והבא מעט אכול ואין לשבעה שתו ואין לשכרה לבוש ואין לחם לו והמשתכר—משתכר אל צרור נקוב {פ}"}, {"verse": 7, "text": "כה אמר יהוה צבאות שימו לבבכם על דרכיכם"}, {"verse": 8, "text": "עלו ההר והבאתם עץ ובנו הבית וארצה בו ואכבד (ואכבדה) אמר יהוה"}, {"verse": 9, "text": "פנה אל הרבה והנה למעט והבאתם הבית ונפחתי בו יען מה נאם יהוה צבאות—יען ביתי אשר הוא חרב ואתם רצים איש לביתו"}, {"verse": 10, "text": "על כן עליכם כלאו שמים מטל והארץ כלאה יבולה"}, {"verse": 11, "text": "ואקרא חרב על הארץ ועל ההרים ועל הדגן ועל התירוש ועל היצהר ועל אשר תוציא האדמה ועל האדם ועל הבהמה ועל כל יגיע כפים {ס}"}, {"verse": 12, "text": "וישמע זרבבל בן שלתיאל ויהושע בן יהוצדק הכהן הגדול וכל שארית העם בקול יהוה אלהיהם ועל דברי חגי הנביא כאשר שלחו יהוה אלהיהם וייראו העם מפני יהוה"}, {"verse": 13, "text": "ויאמר חגי מלאך יהוה במלאכות יהוה—לעם לאמר אני אתכם נאם יהוה"}, {"verse": 14, "text": "ויער יהוה את רוח זרבבל בן שלתיאל פחת יהודה ואת רוח יהושע בן יהוצדק הכהן הגדול ואת רוח כל שארית העם ויבאו ויעשו מלאכה בבית יהוה צבאות אלהיהם {פ}"}, {"verse": 15, "text": "ביום עשרים וארבעה לחדש בששי בשנת שתים לדריוש המלך"}]}, "2": {"cite": "Aleppo Codex [Hebrew] -- Haggai 2", "verses": [{"verse": 1, "text": "בשביעי בעשרים ואחד לחדש—היה דבר יהוה ביד חגי הנביא לאמר"}, {"verse": 2, "text": "אמר נא אל זרבבל בן שלתיאל פחת יהודה ואל יהושע בן יהוצדק הכהן הגדול—ואל שארית העם לאמר"}, {"verse": 3, "text": "מי בכם הנשאר אשר ראה את הבית הזה בכבודו הראשון ומה אתם ראים אתו עתה—הלוא כמהו כאין בעיניכם"}, {"verse": 4, "text": "ועתה חזק זרבבל נאם יהוה וחזק יהושע בן יהוצדק הכהן הגדול וחזק כל עם הארץ נאם יהוה—ועשו כי אני אתכם נאם יהוה צבאות"}, {"verse": 5, "text": "את הדבר אשר כרתי אתכם בצאתכם ממצרים ורוחי עמדת בתוככם—אל תיראו {ס}"}, {"verse": 6, "text": "כי כה אמר יהוה צבאות עוד אחת מעט היא ואני מרעיש את השמים ואת הארץ ואת הים ואת החרבה"}, {"verse": 7, "text": "והרעשתי את כל הגוים ובאו חמדת כל הגוים ומלאתי את הבית הזה כבוד—אמר יהוה צבאות"}, {"verse": 8, "text": "לי הכסף ולי הזהב—נאם יהוה צבאות"}, {"verse": 9, "text": "גדול יהיה כבוד הבית הזה האחרון מן הראשון—אמר יהוה צבאות ובמקום הזה אתן שלום נאם יהוה צבאות {פ}"}, {"verse": 10, "text": "בעשרים וארבעה לתשיעי בשנת שתים לדריוש—היה דבר יהוה אל חגי הנביא לאמר"}, {"verse": 11, "text": "כה אמר יהוה צבאות שאל נא את הכהנים תורה לאמר"}, {"verse": 12, "text": "הן ישא איש בשר קדש בכנף בגדו ונגע בכנפו אל הלחם ואל הנזיד ואל היין ואל שמן ואל כל מאכל—היקדש ויענו הכהנים ויאמרו לא"}, {"verse": 13, "text": "ויאמר חגי אם יגע טמא נפש בכל אלה היטמא ויענו הכהנים ויאמרו יטמא"}, {"verse": 14, "text": "ויען חגי ויאמר כן העם הזה וכן הגוי הזה לפני נאם יהוה וכן כל מעשה ידיהם ואשר יקריבו שם טמא הוא"}, {"verse": 15, "text": "ועתה שימו נא לבבכם מן היום הזה ומעלה מטרם שום אבן אל אבן בהיכל יהוה"}, {"verse": 16, "text": "מהיותם בא אל ערמת עשרים והיתה עשרה בא אל היקב לחשף חמשים פורה והיתה עשרים"}, {"verse": 17, "text": "הכיתי אתכם בשדפון ובירקון ובברד—את כל מעשה ידיכם ואין אתכם אלי נאם יהוה"}, {"verse": 18, "text": "שימו נא לבבכם מן היום הזה ומעלה מיום עשרים וארבעה לתשיעי למן היום אשר יסד היכל יהוה—שימו לבבכם"}, {"verse": 19, "text": "העוד הזרע במגורה ועד הגפן והתאנה והרמון ועץ הזית לא נשא—מן היום הזה אברך {ס}"}, {"verse": 20, "text": "ויהי דבר יהוה שנית אל חגי בעשרים וארבעה לחדש לאמר"}, {"verse": 21, "text": "אמר אל זרבבל פחת יהודה לאמר אני מרעיש את השמים ואת הארץ"}, {"verse": 22, "text": "והפכתי כסא ממלכות והשמדתי חזק ממלכות הגוים והפכתי מרכבה ורכביה וירדו סוסים ורכביהם איש בחרב אחיו"}, {"verse": 23, "text": "ביום ההוא נאם יהוה צבאות אקחך זרבבל בן שאלתיאל עבדי נאם יהוה ושמתיך כחותם כי בך בחרתי נאם יהוה צבאות {ש}"}]}}}